فطور مفيـد ..~

موضوع: فطور مفيـد ..~ الخميس 12 مايو 2011, 9:03 pm

بســـم اللــــــه الرحمــن الرحيــــم

الفطور أهم وجبه في اليوم ولكن للأسف أغلبنا يهملها

البعض يفضل اللحوم على الفطور والبعض الأجبان او النشويات او الخضار ..

في الموضوع هذا حاولنا نلبي جميع الرغبات ونطور طرق التقديم

وتستفيدون منه

نشوف مع بعض انواع الفطور ..

[ أسياخ الحلوم المشويه ]

جبنه حلوم + فلفل بارد ملون

نقطع الجبنه مكعبات + الفلفل وندخلها اصياخ بالدور .. ثم نحطها ع الشوايه بدون زيت .

.

نقلبها حتى تنشوي جميع الجهات ..

.

نقدمها مع خبز محمص ومربى ومكدوس وزيتون ..

.

صحه وعافيه ..

||

[ مزرعة بالبيض ]

سبب التسميه ان فيها انواع كثيره من الخضار ..

بيض + بقدونس + بصل + ثوم + طماط + فلفل بارد [ بصل اخضر ] حسب الرغبه

نقطع البصل ونحمسه بالزيت ثم نضيف الثوم المهروس .. ثم الطماط والفلفل البارد بعد التقطيع وباقي الخضار ..

.

نصبها بصينيه بعد دهنها بالزيت و ندخلها الفرن بعد رشها بالجبن ..

بالقلايه اسرع ونغطيها بغطى قدر ..

.

بعد ماتتحمر من تحت نقدمها ..

.

مع رشة بقدونس مفروم وبطاطس وخبز محمص ..

.

||

[ قوالب البيض بالتونه ]

علبه تونه صغيره + بيض + فلفل حار + بصل + فلفل بارد + جبن مبشور

نقطع البصل ونحمسه مع زيت ثم نضيف الفلفل الحار والبارد ثم التونه ونتبلها بالملح والفلفل.

.

بكل قالب نحط ملعقتين من التونه ..

.

نخلط بيضه مع بيالة حليب سايل ونتبلها بالملح والفلفل الاسود ونصبها ع التونه .. ونرشها بالجبن ..

وشريحه فلفل بارد للنكهه .

.

بالفرن 10 - 15 دقيقه ..

نقدمها مع الخبز ..

.

.

||

[ نقانق + بيض مسلوق ]

3 اصابع نقانق + فلفل احمر + بصل + ملعقتين جبن سايل

نقطع البصل ونحمسه في زيت زيتون .. ثم نضيف الفلفل البارد .. ونتبله بالملح والفلفل

ثم نضيف النقانق بعد التقطيع .. ونتركها تطبخ دقيقتين ونضيف الجبن .

.

نقدمها مع البيض والخبز المحمص ..

نزينه برشة بقدونس مفروم ..

.

||

[ توست باللبنه والمربى ]

توست نقطعه نجوم او دوائر .. ثم بالقمع نحط عليه لبنه ~ مربى ..

[center].

نقدمه مع الزبادي والخس والطماط والزيتون ..

.

||

[ عجه بالفطر ]

بيض + فطر + فلفل بارد + بصل + جبن تشيدر + بقدونس

نقطع البصل والفلفل البارد ونحمسهم بالزيت .. ثم نضيف الفطر ونتبله بالملح والفلفل ..

.

نخفق بيضتين ونخلط معها البقدونس ونصبها ع الفطر .. ثم نضيف جبن التشيدر مكعبات ونتركه ع

النار حتى ينضج ويذوب الجبن .

.

نقدمه مع خبز محمص - شرايح طماط - شرايح تركي مدخن ..

.

||

[ فول بالخلطه اللبنانيه ]

علبة فول بالخلطه اللبانيه + فص ثوم + صلصه طماط منزليه + معجون طماط بقدونس مفروم +

خمس ملاعق زيت زيتون .

نهرس الثوم ونحركه مع زيت الزيتون .. ونقلبه على النار ثواني يطلع طعمه ..

نفرغ علبة الفول في قدر مع ملعقه كبيره معجون طماط و3 ملاعق صلصه منزليه ونضيف الثوم ..

نهرس الفول بالشوكه ونتركه يطبخ 5 دقائق ثم نضيف البقدونس ..

نقدمه بعد مانزينه بالزيت والشبت والطماط ..

.

مع الخبز العربي واللبنه والزيتون ..

.

||

[ كروسان محشي ]

حبتين كروسان نحشيهم جبنه هولنديه مع خس ..

ونقدمها مع طماط وشرايح لحم ببروني وكاس قهوه ..

.

.

||

[ بيض مسلوق بالجبن ]

بيض مسلوق + جبن سايل

نقطع البيض بالنص ونطلع القلب الاصفر .. نخلطه مع جبن سايل ..

.

ثم نرجع للبيضه بواسطة القمع ..

.

نقدمه مع لبنه كور وطماط صفير وزيتون بالأسياخ ..

والخبز . مع كاس قهوه وكاس عصير تفاح ..

.

||

[ زيتون محشي لبنه ]

زيتون اخضر بدون نوا + لبنه

بالقمع نحشي الزيتون ونقدمه على بساط من الخس ..

.

.

||

[ نقانق بالصويا والجبن ]

بصل مقطع صغير + نقانق شرايح + ملعقه صغيره صلصه صويا + جبن سايل + فلفل بارد احمر

نحمس البصل مع الزيت ونضيف الفلفل البارد والنقانق .. ونتبلها بالملح والفلفل والصويا ..

نتركه دقيقتين ثم نضيف 3 ملاعق صغيره جبن .. ونتركه ع النار دقيقه ثم نقدمها..

.

مع البيض المسلوق - جبن - مرتديلا - خبز محمص ..

.

||

[ بيض رول بالخضار ]

بيض مخفوق مع حليب .. نضيف عليه طماط وبصل وبقدونس .. نتبله بالملح والفلفل الاسود ونصبه بصينيه دائريه مدهونه بالزيت ..

نحطه على النار حتى ينضج ثم نلفه رول ونقطعه حلقات ..

نقدمه مع خبز بشرايح الجبن - زبادي - طماط وزيتون - كاس قهوه - عصير تفاح

.

||

[ ساندوتش بيض × بيض ]

خبز تورتيلا بالشطه + بيض + طماط + بقدونس + جبن

نسلق بيضه .. وبيضه نخفقها مع نص بياله حليب ونتبلها بالملح والفلفل الاسود ونصلحها ع القلايه ..

نحطها على خبز التورتيلا وندهنها بالجبن .. ثم نقطع البيض مع الطماط والبقدونس ونرشه عليها ..

ونطويها من النص ..

.

نقدمها ..

.

||

[ فطور جاهز ]

جبن هولندي ..

.

جبن تشيدر مدخن ..

.

نقدمه مع الخبز المحمص والمربى ..

.

||

[ قوالب البيض بالفطر والرومي المدخن ]

بيض + فطر + بابريكا + فلفل بارد + شريحتين رومي مدخن

نقطع الفطر المعلب مع الفلفل البارد ونحطه بالقالب .. ثم نضيف رومي مدخن مقطع شرايح ..

نخفق بيضه مع حليب ونتبلها بالملح والفلفل الاسود .. ونصبها على الفطر .. ثم نرشها بالبابريكا

.

نحطها بحمام مائي وندخلها الفرن .. 20 دقيقه ..

.

نقدمها مع الخبز ..

.

وبالهنـــــاء والعافيـــــــه
فطور مفيـد ..~ 836734

موضوع: رد: فطور مفيـد ..~ الجمعة 13 مايو 2011, 6:19 am

خــــــجل أبي اكــــــل هههههههه

مررررره اشتهيت اسوي زي كذا .. الصراحه الترتيب ختير
ويفتح النفس بعدد ماشالله عليها اللي مسويته

كلها اشياء خفيفه فطور مفيـد ..~ 836734

يعطيك العافيه خـجل وياليت لو نخلي القسم
مااحد ينزل موضوع الا يرسل الطبخه مطبوخه طبعا فيديكس
للأعضاء هع

فطور مفيـد ..~ 671515

موضوع: رد: فطور مفيـد ..~ الجمعة 13 مايو 2011, 7:43 am

مره اشياء لذيذه يسلمو خجل...

موضوع: رد: فطور مفيـد ..~ الجمعة 13 مايو 2011, 4:26 pm

ابي ابي ابي والله مره اشتهيت

ماشاء الله الاكل والترتيب يشهي ويفتح النفس

تووووته انا اضم صوتي لصوتك واوفقك عالقرار هههههههه

ماشءالله تبارك الله علي سوته مره فنانه

يسلمو خجووووله وشكرا كبيررره لك باذن الله اجرب منها واقولكم كيف طعمها

موضوع: رد: فطور مفيـد ..~ السبت 14 مايو 2011, 7:23 am

مره اشياء خفيفه وشهيه
صادقه توت الترتيب/تنسيق الاكل بالصحن مره يفتح النفس

يعطيك العافيه خجل فطور مفيـد ..~ 836734

+ تقييم

موضوع: رد: فطور مفيـد ..~ الأحد 15 مايو 2011, 12:37 am

توووت كتب:: خــــــجل أبي اكــــــل هههههههه

مررررره اشتهيت اسوي زي كذا .. الصراحه الترتيب ختير
ويفتح النفس بعدد ماشالله عليها اللي مسويته

كلها اشياء خفيفه

يعطيك العافيه خـجل وياليت لو نخلي القسم
مااحد ينزل موضوع الا يرسل الطبخه مطبوخه طبعا فيديكس
للأعضاء هع

هههههههه شكلكم جوعانات جد فطور مفيـد ..~ 320543

خـلآص توتهـ اتفقنا اول شي انتي تبديين تسوين لنا فطور وترسلينه للكل فطور مفيـد ..~ 351958

نورتي

همس الغرور كتب:: مره اشياء لذيذه يسلمو خجل...

ربي يسلمك هموسه نورتي فطور مفيـد ..~ 836734

أنثى المطر كتب:: ابي ابي ابي والله مره اشتهيت

ماشاء الله الاكل والترتيب يشهي ويفتح النفس

تووووته انا اضم صوتي لصوتك واوفقك عالقرار هههههههه

ماشءالله تبارك الله علي سوته مره فنانه

يسلمو خجووووله وشكرا كبيررره لك باذن الله اجرب منها واقولكم كيف طعمها

ههههه

حتى انتي بعد يلا دامك جوعانه هالقد سساعدي توته وسوو للمنتدى فطور فطور مفيـد ..~ 351958

نورتي ي عسسل فطور مفيـد ..~ 836734

الجموح كتب:: مره اشياء خفيفه وشهيه
صادقه توت الترتيب/تنسيق الاكل بالصحن مره يفتح النفس

يعطيك العافيه خجل
+ تقييم

ربي يعافيييك آلجموح نورتي فطور مفيـد ..~ 836734