علميهم يالليالي تكفين

علميهم ياالليالي ياالليالي السرمديّه =

علميهم كيف يكون الحب.. والظلم.. وصوابه

علميهم الصحيح وعلميهم ذي الخطيّه =

وعلميهم كيف يكون الحلم بعيــون الكئآبـه

علميهم الجفا عكس الوصال والجاذبيّه =

وعلميهم المطر.. والرعد.. وبروق الســحابـه

وعلميهم المحبه والوفى .. والنرجسيه =

وعلميهم كيف يكون الحــب.. بعيون الغلابـه

علميهم في معاني غربتي والواقعيَه =

وعلميهم الشهامــه .. والتحــدي .. والصلابـه

وعلميهم انكسار الصبر .. والدمع الوفيَه =

وكيف ينام الليل فيني لازعل .. حضره جنابه

وعلميهم الحياه شلون والغربه الشديّه =

ولا لفاني الضيف عاني مرحبابه.. يا مرحبابه

علميهم ما نصيت الناس.. واحوالي رديَه =

وعلميهم كيف بابي ... فوقت من صك بابــه

علميهم كيف ينسي الخوي ذكره خويّه =

وعلميهم الغــــرابه.. لا وصلت لحــــد الغرابه

علميهم ماني عايشن في زمان الجاهليه =

ياالليالي ما تقهوى شاعِــــرك إلاّ عتابـــه

علميهم ماعليه لو يطول الجرح .. فيه =

والشقى.. والمــر الاسود ماعليّـه.. من عذابه

علميهم ما عليّه .. ما عليّه .. ماعليّه =

علّميهم السؤال وعلميهم .. كـــيف الإجابـــه .!

يعطيك العافيه

الله يعافيك ويسعد قليبك