الجادل اللي حبها متلف الروح
اللي تواعدني وتخلف وعدها
تحب لكن حبها ضحك وامزوح
ماجربت حال الشقا مع نكدها
وانا من اسباب الغلا كلي مجروح
مجروح واجروحي تزايد عددها
الحب عذب قبلنا كل ممدوح
وكم واحدن بالحب روحه فقدها
عليك ياللي ماحني بالهوى موح
ياللي عروق القلب وحده عقدها
مافيه غيرك لاحني بالهوى لوح
الحال بيّن نقصها في جسدها
الجادل اللي بالغنادير مملوح
صغير سن وتو زمت نهدها
ياعين حرن لبرق الريش طاروح
وياذيل صفرن دوم تطلع بيدها
وياوجد حالي وجد من صار مطروح
واقفا ربيع العمر واقفا سعدها
امير قوم وللوازيم ناطوح
له فزعتن باالضيق محدن جحدها
من عقب ماهو خاطره كان مشروح
يزرع ولاكن زرعته ماحصدها
خلوه ربعه يشكي الهم وينوح
والعين من دمعه لفاها رمدها
من عقب ماهو سترهم صار مفضوح
بين العرب كلن علومه رصدها
وامسا عليه الليل والبيت مفتوح
جريح قوم وليلته مارقدها
امرن مقدر منكتبله على لوح
مكتوبله لو كل عليا صعدها
ذكرت كل اللي جرى اليوم بوضوح
من واحدن سبب لحالي نكدها
************************************
السبت 17 يناير 2015, 10:45 am
