شاعر يحضر زواج حبيبته ويلقي قصيدة للعريس

شاعر يحضر زواج حبيبته ويلقي قصيدة للعريس - جريء بجد (من أروع ماقرأت
كلام القصيده بالصميم
هذه قصيده وجهها عاشق لعريس عشيقته ليله الزفاف ما رأي المقبلين على الزواج لو كان احدهم مكان هذا العريس ؟ ووجد هذا العاشق يلقي القصيدة امامه في قاعه العرس؟

أبد .. ما جيت أبارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لأجـل تعطيـك
كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك العقد بالتمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر في محاسبْتي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

انا ما جيت اخرّب عرسك الليلـه ولا آذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رقبتي

والله اني لما قريته بــكيـــت وما قدرت اسكت شاعر يحضر زواج حبيبته ويلقي قصيدة للعريس 499803

شاعر يحضر زواج حبيبته ويلقي قصيدة للعريس 499803

اتمنى اشوف أرائكم

تراها غاليه جـداً .. وتكفـى ..
والله يخليـك
تـدللها .. تدلعهـا .. تنسّيـهـا مصاحبْـتـي

قووويه مرره

يعطيك العاآفيه شاعر يحضر زواج حبيبته ويلقي قصيدة للعريس 27835

شاعر يحضر زواج حبيبته ويلقي قصيدة للعريس 27835

كلمااااتها قووويه مررررره

وتحزن

يعطيك العافيه

توتع وميشو يسلمو يا قمرات

الله يعطيكم العافيه

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

عكس الشاعر هنا بل كسر القاعدة

التي تقول ان الوفاء انثى وان الجفاء رجل

قصيدة مؤثرة صح لسان قايلها وسلمت انامل

من نقلتها

راااائعه وتقطع القلب

يعطيك العافيه انثى شاعر يحضر زواج حبيبته ويلقي قصيدة للعريس 240141

وي وي حسيته جرييييئ بس وربي من حقه ......

محد بيحس فييييه الآ اللي يجررررب موقفه .. شاعر يحضر زواج حبيبته ويلقي قصيدة للعريس 81468

يسسلمو آنثى يعطيكـ الع ـآفيه ..