اللــه عليهـــــا

الله عليها

الله عليها عوَّدت
و أنا أحسب الغالي نسـى
الله عليها لى بغت
ما يطفي الشَّمس المسـا
هلَّت سحابة وصلها
على حياتي و ازهرت
و اهتز قلبي مِن نبات الحب زهرٍ و اكتسـى
يا وصلها الغالي هلا
حيَّيت يا عز الطَّلـب
لا خير في قلبٍ على
مغليـه بالدَّنيـا قِسى
وش خانة الحب البعيد
إن كان عشَّاقه يموت
يخيل برَّاقه و هو ما ذاق طعمه و احتسـى
ياحلم الايَّام الشِّداد
ياحلم الايَّـام الِّليـان
أبطيت أقول الله كريم
أبطيت و الكِلمه عسى
مِن عقب وحشة ليلتي
هلَّت تباشير الصَّباح
عادت وليفة هاجسي .. عادت مزعَّلة النِّسا

خالد الفيصل